Obxectivos

Os obxectivos da Asociación son:

1º- A representación, xestión, asesoramento, defensa e fomento dos intereses profesionais dos técnicos e xestores culturais galegos.

2º.- O establecemento de servizos propios, de interese común, e en especial: asesoria técnica, xurídica, económica ou fiscal para mellor defensa dos intereses profesionais das persoas asociadas.

3º.- Promover a mellora das condicións xerais e particulares para o desenvolvemento da actividade profesional das persoas asociadas, así como a unificación de criterios e sistemas, servindo con obxectividade aos intereses xerais no marco dun Estado de Dereito.

4º.- Reforzar a consolidación da figura profesional do xestor cultural.

5º.- Promover o debate e a reflexión sobre cuestións de interese colectivo no campo das políticas culturais e da Xestión Cultural.

6º.- Favorecer o intercambio de información, de ideas e de experiencias, así como a formación, entre os xestores pertencentes á asociación.

7º.- Contribuir á formación doutros colectivos vinculados coa xestión cultural

8º.- Servir como órgano de comunicación e interlocución aos organismos de formación para a Xestión Cultural, así como a cantos organismos públicos ou entidades privadas se considere, co fin de mellorar a programación, desenvolvemento e avaliación da actividade cultural.

9º.- Vincular as nosas actuacións con outras iniciativas similares realizadas no resto do Estado ou a nivel internacional.

10º.- Promover o desenvolvemento da cultura da participación activa e comprometida, así como contribuír á difusión da pedagoxía democrática en todas as nosas actuacións.

11º.- Todas aqueloutras actuacións que se estimen oportunas no ámbito da Cultura e que persigan beneficio social para Galicia e para a propia Asociación e os seus membros.

As actividades da asociación son:

1º.- A organización de Foros sobre xestión cultural e actividades vinculadas.

2º.- Elaboración dun código deontolóxico

3º.- Investigacións, estudos e informes. Publicacións: revistas e libros. Comunicación en rede (web)

4º.- Promoción da formación dos xestores culturais en Galicia, ben por iniciativa propia, ben en colaboración con entidades públicas ou privadas, e primando sobre todo a regularización e recoñecemento académico desta formación.

5º.- Asesorar a entidades, administracións ou colectivos, sobre aqueles asuntos relacionados cos fins da asociación, ben a través de accións formativas, consultorías externas, redacción de informes, realización de investigacións, etc.

6º.- Desenvolver accións de todo tipo para regularizar a situación profesional dos xestores culturais en Galicia.

7º.- A colaboración con asociacións, organizacións e institucións de diversa índole: Universidades, administracións culturais, asociacións profesionais, colectivos diversos, etc.

8º.- Accións de coordinación coa Federación Estatal de Asociacións de Xestores Culturais.